Friday, March 14, 2014

ترکمن کلاسيک ادبيّاتئنئنگ چأگينده: رمانتيسم -2

اونق خ.: بهـار- 1990 - عشق آباد

نامـه سن؟ - مختومقلی فراغی

آصلا سنی گؤرمِميشم دلـدارئم، قمُری می سن، بلبل می سن، نأمه سن؟
غمگين گؤونيم خــيالـئنگدا آلـدارام، باغ ايچينده گۆلگۆل می سن، نأمه سن؟

حأضیرکی دؤورینگ نظیره سی - خ. اونق

آصلئم سورسانگ بير گؤهردن دؤرأن بيز، غـوشــلار ايچـره آق کـبـدراِم، دۆز مـنـم.
خـيـال – دا دأل، حـقـيـقـت دا يـاران بـيـز، بـاغـلار ايـچـره لألـه گـۆل مــن، رُز منم.


فلسفی قارايئش

قاراچئ مئنگ، يأ سيّد مينگ، خوجه مئنگ؟ يأ ساقئ مئنگ، يأ شراپ مئنگ، يأ جام مئنگ؟
يأ يِل می سن،يأ گۆنديزمينگ، گيجه مينگ، يأ آی می سن، يأ گۆن می سن، نأمه سن؟

درورينگ قارايئشئ

قاراچی دان سايلانمانام دنگليکده، جام دا حقّ شراپ من، ساقئ آنگلئقدا،
گيجه يالقئم، گۆنديزسايه دانگلئقدا، حقيقت آی بولسه، گۆنده کؤز منم.

فلسفـی قارايئش

يأ مُشک می سن،يأ قوقنارمئنگ، عنبرمئنگ، آيدا بيلمن، يأ چرخ می سن، چنبرمينگ،
يأ دريا مئنگ، يأ موج می سن، لنبرمينگ، يأ گرداب مئنگ، يأ بورغئ مئنگ، نأمه سن؟

دؤورينگ قارايئشئ

مشک و عنبر قوقان طوپان– غای دان من، چرخ ِ فلک گرداندئغئن آيدان من،
دنگيزلرينگ تولقونئ دک سای دان من، روشن سالان، اؤويسگون آتان يۆز، منم.

فلسفی قارايئش

آلتئن می سن، کۆميش می سن، زر می سن، يأ عرش مئ سن، يأ کۆرس می سن، يِـِرمی سن،
يأ ياقوت مئنگ، يأ مرجن مينگ، دۆرمی سن، يأ چراغ مئنگ، يأ روشن مينگ، نأمه سن؟

دؤورينگ قارايئشی

آلتئن کۆميش ذوقئن دأنر حقّ يارقا، عرشدا يئلدئز، يرده شهيد غان بارقا،
ياقوت، مرجن، نه دير حقيـقت دُرّقا، شام چراغئنگ آيدئنگ فصلی ياز منم.

فلسفی قارايئش

مختومقلی! گچ ناموسدان عارئنگدان، ال کؤترگيل بو وفاسئز کأرينگدن،
جهان دولئ، سن غافل سئنگ يارئنگدان، می مست می سن، يأ شيدا مئنگ، نأمه سن؟

دؤورينگ قارايئشئ

بو گۆن ايللـر! ناموس اۆچين، عار اۆچين، ال گؤترمن، بو وفالئ کأر اۆچين،
بۆگون سؤوش گۆنی، اُل بيمار اۆچين، حقيقتا مست هم شيدا، باز منم.