Monday, February 16, 2015

ایرانلی تورکمنلرینگ پرزیدنتی عثمان آخوندینگ قیسغاجیق یاشاییش بیوگرافیاسی

د. خ. اونق - نقاش پرتره عثمان آخون
برلین - یوسوپ کُر02-2015
عثمان آخون تورکمنصحرانینگ خزر یاقاسینداقی کومیش دپه/تپه/ شهریندن دیر. اُل یوقاری تحصیلی بوخارا دا یرینه یتیریار. بوخارا داقی مدرسه لرینگ مدرس لر مجمع سی نینگ دعوتی بیلن مشهور مدرسه لرده استاد بولیار. سونگرا آستاراخان داقی مدرس لرینگ دعوتی بیلن آستارا خان مدرسه لرینده مدرس بولیار. اوندان سونگ ترکمنصحرانینگ آخون لاری طرافیندان "قاضی القضات" ادیپ سایلانیار و بو وظیفه بیله مشغول بولیار.

1918- نجی یئلدا، ساری روسیّه نینگ قوشونی تورکمنصحرانی ترک ادیپ گیدنده، 1919/3/4 گونی (4 - نجی مارت آیی (1919 یئل) قابوس دینگی (قابوس ینگ گنبدی)-نینگ یانیندا گچیریلن قورولتای دا، ایرانینگ قانون اساسینداقی "انجمن ایالتی و ولایتی" ماده سینا لایق لیقدا سالغی لانیپ برقرار ادیلن تورکمنصحرانینگ یئرلی(محلی) حکومتی نینگ حاکیمی وظیفه سینه سایلانیار. بو حأکمیّتی ایران دولتی طرافیندان هم ایقرار ادیلیپ، یاراغلی ساقچیلاری (انتظاماتلاری) بیلن اوپجین ادیلیپ، ولایت تشکیلاتینا آیلیق بریلیأر.


ایراندا اقتداری، کودتا (پوچ) آرقالی اؤز اختیارینا گچیرئن رضا پهلوی، 1924 - نجی یئلدا یئرلی حکومتی (حکومت محلی نی) یاتیریپ، انتظاماتچیلاری خلع سلاح اتمه گی طلب ادیار. ولی عثمان آخون قبول اتمه یار.

عثمان آخونئنگ پورتره سی
رضا پهلوی نخست وزیر و قوشون سرکرده سی "سردارسپه"، "فرمانده کل قوا" مقامیندا، 1303 - ییلینگ باشلاریندا ترکمن انتظاماتچیلاری و سرکرده لری، شول ساندا آتا خان داغیلاری، آیلیق برمک بهاناسی بیلن چاغیریپ، ماترکلانگ یاقیندا اؤلدیرتیار. بو قانلی توطئه دن سونگرا 20/5/1924- 30/2/1303 گونی اُمچالی اُباسیندا قورولتای گچیریلیپ، اونگا پرزیدنت و 10 آدامدان عبارات مشاورلاری سایلانیلیار. بو تاریخی واقعه دان سونگرا بلافاصله بریلن اُلتیماتوما قارشیلیق گؤرمه گه حأضیرلنیپ باشلانیار. پرزیدنت عثمان آخون ینگ قوشونی رضا پهلوی نینگ یوللان 3 دویزیون - لشگری بیلن اوروشیار. بو بولوپ گچن سؤوشده ایکی مونگ عسگر بیلن شوروی حکومتی نینگ و ترکمنستان دا اجرائی کومیته نینگ باشلیغی بولان قایغی سیز آتابایف ینگ مصلحتی بویونچا ترکمنستانا پناهنده بولیار. بو خطا دان سونگرا بیر مدت ترکمنستان مجلسی نینگ یولباشچی سی ندیربای آیتاکوف ینگ مشاور امور دینی سی بولیپ ایشله یار. 1930 - نجی یلدان سونگرا، عمومی جمغیّتچیلیکده، عثمان آخونی گؤرئن کیشی یوق و بو گونه چنلی نه رسمی معلومات بار، نه – ده، اول حقدا خابرلی بیر شخص!
عثمان آخونئنگ پورتره سی
عثمان آخونینگ بیر قیزی آشغابادینگ دمیر یول دورولغاسی نینگ یاقی نینداقی سالغیدا و بیله کی بیر قیزی وارشاوا کؤچه سینده، هم - ده، اولی اُغول آغتیق لاری انه لری بیلن کؤشی ده یاشیاردیلار. عثمان آخون ینگ تورکمنصحراداقی نسل- نبیره لرینینگ فامیلی آدلاری، کومیش دپه شأهرینده یاشایان"عاریف" آتلی مُغاللیمینگ ماشغالاسیندا یؤره یأر. عاریف موغاللیم، عثمان آخونینگ صوراتینی ایشلأپ کارتینا گچیرن دکتر خانگلدی نینگ 1350-1353- نجی یئللاردا، اورتا مکدپ موغاللیمی دی.

برلین - یوسوپ کُر02-2015

No comments:

Post a Comment