Sunday, May 18, 2008

Magtymguly günleri üçin yazylan makala - ماغتیمغولی گونلری اوچین یازیلان مقاله

ماغتيمغولي و توركمنينگ ميللي ليگيحميد كمي
اورتا آسيا ادبييات تاريخيني ، ماغتيمغولي دان اؤنگ ، ايركي و اورتا دؤويرلره بؤلسك ، ايركي دؤويرده پارت لار ، سوغدلار و ساك لار ديلي يؤرگونلي بولون بولسا ، اورتا دؤويرده پارس،عاراب، كاشغار و اول دؤورينگ سونگقي ييل لاري جاغاتاي ديلي خالق آرا ديل حؤكمونده اوللانيليپ دير .ه
شول دؤويرلرده- ده توركمن توركي ديلي و ادبيياتي كول آستينداقي كؤز يالي اؤچمأن يولون دووام اتسه ده ، تؤركمن عاليم لاري اؤز اثر لريني يؤرگينلي ديل لرده يازيپ ديرلار. اول دؤويرلرده ميللي ليك اوغريندا گؤره شمك باشغا ايسلگ لرينگ ساياسيندا غاليپ دير. اول دؤويرلرده توركمن عاليم لارنينگ آدلاري عاراب، پارس ، كاشغر و جاغاتاي ديل لرينده دؤرديلن يأديگارليك لرينگ بزه گي بوليپدير. بو عاليم لار عيلمي ايشلريني يؤرگينلي ديل لرده هؤديرلأپ، غاراماياق توركمن لر اول اثرلري اوقاماق دان و يا دا اوقا لاندا دوشينمك دن مأحروم بوليپديرلار.ه

1 comment:

  1. تاريخ دا آدي بللي توركمن عاليمي ، يازيجي - شاهير عمادالدين نسيمي دؤره دن اثرلري بيلن عثمانلي لارينگ ادبي ديلينينگ دويبين توتسادا تؤركمن ادبي ديلينه ايمتيليشي بولمان دير .ه

    توركمن ادبيياتينا خاص ياقين لاشان اثرلري دؤولت محمد آزادي ، نورمحمد عندليب ، شابنده و شيدايي داغي لار ماغتيمغولينگ اؤنگ سيراسي دؤره دن هم بولسالار، ماغتيمغولينينگ ادبييات ميدانينا گلمگي بيلن توركمن ادبيياتينينگ تاريخيندا تأزه بير يول تأزه بير دؤوير باشلانيار ، شوندان بيلأك هم توركمن ادبيياتي اؤز اصوليني ، ماضمونيني و دأبيني باشغا خالقلارينگ ادبيياتيندان تاپاوتلانديريپ اوغرايار. بيله ديديگميز ماغتيمغولي دان اونگ تركمن ادبياتي يوق ديديگميز دأل ، تركمن ادبيياتي هم باشغا توركي خالق لارينگ ادبيياتي يالي اؤز كؤكيني ميلادي 7- نجي عاصرينگ اورتالاريندان اورخون يني سيي يازغي لاريندان آليپ غاييتيان دير . بو ادبييات شوندان بيلاك هم دورا بارا اؤزله شيپ اوغران دير . ماغتيمغولي بولسا شول گچميش دن اوغير آليپ پأهيم پايخاصي بيلن بو ادبيياتي ميللليك درجه سينه يتيرندير . ه

    اؤزبوليشلي ادبيياتينگ نامه نيشانالاري بولمالي ديپ سورالماغي هم مومكين . جوغاپدا ديمك بولار هر بير خالقينگ صونغاتي و ايلايتادا ادبيياتي اؤزينه ماخصوص تانالجاق بولسا شول اثرلر اؤز خالقينينگ دورموش ياغدايينيگ ،گچميشينيگ ،مدنييتينيگ ،غيليق حاصييتي نينگ و ديلينيگ آراسسا بياني بولمالي دير .ه

    دونيأ بويونچا بييك و مشهور اثرلر اهلي خالقينگ آنگيندا موديمي ير توتماغينينگ سبأبكأري اول يأديگأرليگ لري دؤره دن آدام لارينگ اؤز خالقينا وه پادارليغي دير.اؤز خالقينگا وه پادار بولماق اؤز مدنييتينگه و گچميشينگه وه پادار بولماق دير. شيله حأصييت لي دؤران اثرده ، بير حيلي اؤزينأ دارتيجي گويچ دؤره يار . شونينك اوچين هم بو اثرلر ، دوزده مال باقيپ يوره ن چوپان- چولوق لار ، بازار آدام لار و عيليم لي بيليم لي يوقار اوقووي گچيره ن لري دنگ درجه ده اؤزينه چكيپ بيليار . اوقاندا اؤز ديلي ، ماضمون لار اؤزينه ماخصوص بولان كؤپ چيليك مسئله لري آراپ دوران و سؤزلر اؤزي بيلن ياشاپ يؤره ن فولكلوردان پيدالانيلان، بيله بولان اثري اوقوجي و دينگليجي ياشايشينينگ بؤلگي حاساپ لايار و باغرينا غيسيار .ه

    ماغتيمغولي نينگ اثرينه سر سالانگدا روحي جبيسليك دوييليار . دورموشا اوتغاشيقلي ماضمون لار حايران غالديريار. شيله خاصييت لره ايه ريپ دؤره ديلن اثري ، اوزاق يولي سؤكيپ آذقا اكيتمأگه گلن دينگليجي ، باري يوغي ايكي ساني اينريني بريپ اول كيتابي آليپ غايديپ دولينداقي تورباسينينگ ايچيندا عومير چويشه سي يالي ساقلاپ، اوقادماجاق چاغاسيني شول كيتاپ سبأب لي ملا هم بريپ بيليار.ه

    ماغتيمغولي نينگ تؤركمن ميللي ادبيياتينا گيريزن يولي و اصولي اؤزيندن سونگقي ادبييات تاريخيميزي بوتين له يين ديين يالي اؤز حؤكمي رووان ليغنا ساليار، بو اصول خالق آراسيندا أگيرت تأثير غوياني اوچين سونگقي دوويرلره چنلي شاهيرلار اوني اويدگتمأگه و اويدگه شيك ليك گيريزمأگه هم هوواتيرليق گؤركزيارلار .مونگا سباپ بولان ، ماغتيمغولي چا يازماغي و دؤره دمگي خالقينگ اؤزي هم طالاب اديپ دير . شيله ياغداي ييگريمينجي عاصرينگ اورتالارنا چنلي دووام اديار ، يؤنه ماغتيمغولينگ توركمن ادبيياتيندا غالديران ايزي هيچ هاچان ييتمأن دووام اتجك دير.ه

    ديل هر بير ميللتي بير بيريندن تاپاوتلانديريان المنت لرينگ ايلكينجيسي دير. ديل ميللت لرينگ بايليغي و بارليغي دير، ديلي بولماديق خالق ميللت بوليپ بيلمز . شونينگ اوچين خالق لاري بير ميللت حؤكمونده ياشاماغينا بؤوت بوليان لار، خالق لاري باشغا خالق لارا يوغيريپ يتيرجك بوليان لار ايلكي باشدا شول ميللتينگ ديليني هورلاپ ييتيرمأگه چاليشيار(استحاله ي قومي). ماغتيمغولي اونگده گؤريجيليگي بيلن ديل مسئله سينه ميللي غاراييش بيلن باقيار.ه

    سرحوش بوليپ چيقار، جيگر داغلانماز

    داشلاري سينديرار ، يولي باغلانماز

    گؤزوم غايرا دوشمز ، كونگول اگلنمز

    ماغتيمغولي ، سؤزلأر ديلي توركمنينگ

    ماغتيمغولي نينگ ياشان دؤوري چيلشيريملي دؤوير بولوپ دير، بير طاراپ دان ، دين دان اؤز نپ لرنه پيدالانيان خيوه خان ليق لاري توركمن توپراغينا گؤز غارالديپ اوراماغي ، اول بير طاراپ دان روسيه امپراتورليغي دورابارا اورتا آسيا آرالاشيپ باشلاماغي و ايرانينگ غانخور پاديشالاري تؤوه رگ داشينداقي ميللت لري سالغيت گؤزلري بيلن باقيشي ماغتيمغولي اوچين حووپ لي دؤوير بولوپ گؤرينيار. ه

    عاشيق لاردان اؤتدي عشقينگ هوواسي

    تارتيلدي يازيلدي دوزخ پرده سي

    داغدان آشيپ غيزيل باشينگ اورداسي

    گؤزه ل ايليم ويران قيلدي نيلايين

    داغينيق توركمن طايپالاري ، چارواچيليق دا گؤچمن ياغداي دا ياشاپ يؤه رن توركمنينگ گلجگيني غارانگقي گؤريان لارينگ بيريسي ماغتيمغولي بوليار. اول داغينيق توركمن لرينگ بير خالق شكلينده اؤز ميللي ليك لريني تاپماغني طالاپ اديأر . ميللي ليگني تاپجاق خالق هم ايلكي باشدان اؤز ديلينه ايه بولوپ تاريخينا غوانمالي . تاريخينگ باشلانغيجي اينسانلار اؤز ديلين تاپيپ يازووا گچمگي بيلن باشلانيار . ماغتيمغولي هم اؤز فراساتي بيلن غوشغي لاريندا توركمنينگ ديليني آراسسا گؤرنيشده خالقينا هؤديرله يأر . شيله ديل بيلن غوشيلان غوشغي اول خالقينگ يوره گينده اوتيريار ، اؤز باشينا گلجك بلاني تيز دوشينيأر ، بايليغنا و بارليغنا غووانيپ بيليأر. ماغتيمغولي بولسا اؤز ديلين تاپان مللتينه غوشغي لارني دورلي گؤرنيشده دؤره ديپ بريأر .ه

    ماغتيمغولي سؤزله ، هرنه بيله نينگ ،ه

    اؤزينگه كمليك بيل ، آييتمان اؤله نينگ ،ه

    تاراشلاپ شاغلاتغين ، كونگله گله نينگ ،ه

    سندن سونگقي لارا يادگار بولار،ه

    شيله ليك بيلن ميلادي 18- نجي عاصيردان بيلأك دورا بارا توركمن اؤز مللي ليگني تاپيپ باشلايار . بييك شاهير ماغتيمغولي ، خالقي نينگ مللي تالاپ لاري اساسيندا بيرلشمگني و آغزي بير بولماق لارني استه يأر . ه

    ايندي بو گون ماغتيمغولي توركمن لر اوچين دينگه بير شاهير دأل ، ايسم اولارينگ ديليني دونيا باقي سايرادان شاهير ، توركمن مللي ليك ايناميني دؤره دن يولباشچي و توركمن ادبيياتينا اؤز بوليشلي اصول و دأپ غويان عاليم ديپ تاناليار . شيله شخصيتي نأچه اولي لاسانگ هم اؤته گچمه يأنگ . ماغتيمغوليني حورماتلاماق توركمني حورماتلاماق ، ماغتيمغوليني بيگلتمك توركمن تاريخيني و بارليغيني ديكلتمك دير . ه

    ( صحرا هپده ناماسينينگ ماغتيمغولي حاقدا يايرادان ( ويژه نامه ) سيندان آليندي – ارديبهشت 78 )ه
    منبع:ه
    نخبگان کومیش دپه

    ReplyDelete