Türkmeniň milli dony protestlere gatnaşdy - ترکمنینگ ملّی دونی پروتستلره غاتناشدی

Söhbetdeşlik

Birleşen Milletler Guramasynyň adam hukuklary boýunça golaýda Ženewada geçiren Eýran baradaky geňeşine öz milli lybasyny geýnen Eýran türkmenleriniň wekilleri hem gatnaşdylar. Olar Ženewadaky ýygnanyşykda Eýranda öz milli hukuklarynyň depelenişini beýan etdiler.

==================

Azatlyk Radiosynyň Germaniýadaky habarçyşy Taher Şir Mohammadi bu geňeşe gatnaşan Eýran türkmenlerinden Ýusup Kor hem-de Hajy Hallymuhammedi bilen söhbetdeş boldy.
Azatlyk Radiosy: Ýusup, golaýda Ženewada BMG-niň Adam hukuklary boýunça Geňeşiniň ýygnagy boldy. Siz hem birnäçe Eýran türkmenleri bilen bilelikde ol ýere bardyňyz. Ženewada siz nähili islegleri orta atdyňyz?
Ýusup Kor: Türkmenler ýurduň beýleki milli azlyklarynyň wekilleri bilen bilelikde Eýranda adam hukyklarynyň häkimiýetler tarapyndan gödek depelenýändigini dünýä jemgyýetçiligine ýetirmek hem Eýranyň bu hereketlerine açyk garşylyk bildirmek üçin Ženewa bardylar. "Ynsan haklarynyň kerweni" adyny alan bu çärä Ýewropanyň dürli ýurtlaryndan köp adamlar gatnaşdy. Türkmenler hem şol "Kerweniň" düzüminde Ženewa bardylar. Ol ýerde jemi 1000-den gowrak adam ýygnandy. Milli azlyklaryň wekilleri, şol sanda türkmenler hem öz milli egin-eşikleri bilen şol protestlere gatnaşdylar.
Azatlyk Radiosy: Eýran türkmenleri tarapyndan Ženewa baranlaryň ýene biri Hajy Hallymuhammedidir. Hajy, siz näme üçin bu protestlere türkmeniň milli donuny geýip gatnaşdyňyz?

Hajy Hallymuhammedi: Biz Eýranda, ylaýtada Türkmensährada ynsan hukuklarynyň depelenmegine garşy ýurduň beýleki milli azlyklarynyň wekilleri bilen bir hatarda köp wagtlardan bäri şol protestlere öz "köneje" türkmen donumyzy egnimize geýip, gatnaşýarys. Biz şol toprakda türkmenleriň hem barlygyny, öz ene dilmizde okadylmaýandygny, hem-de türkmen mekdepleriniň ýoklugyny mälim edýäris. Galyberse-de, türkmenlere öz ýaşaýan şäherleindäki döwlet edaralarynda orun berilmeýändigini we ýene şuňa meňzeş faktlary Ženewada jogapkär adamlara ýetirdik.

Halmämmedowyň doglan gününe 70 ýyl dolýar - نوری حال محمّداف 70 یاشادی

Hudaýberdi Hally

Türkmen halky öz milli medeniýetini uzak asyrlaryň dowamynda döredipdir. Halk milli medeniýetini edil topragyny goran ýaly gorapdyr. Halk içinden ösüp ýetişen aýry-aýry zehinliler bolsa ol senedi ösdüripdir hem kämilleşdiripdir.

Geçen asyryň ikinji ýarymynda türkmen saz sungatynyň asmanynda Nury Halmämmedow parlak ýyldyz bolup doguldy. 24-nji fewralda bu ajaýyp kompozitoryň dünýä inenine 70 ýyl dolýar.

Hakykatyň hatyrasyna aýtsak, Nury Halmämmedowyň doglan güni dürli seneler bilen bellenipdir. Nury Halmämmedowyň döredijiligini içgin öwrenýän bilermenleriň ýazmagyna görä, ol Gyzylarbatda, Bäherdende, Maryda, Baýramalyda Çagalar öýlerinde bolanynda, doglan ýyly hem güni dürli seneler bilen bellenipdir.

Türkmenistanyń syýasatynda täze başlangyç…ترکمنیستانئنگ سیاساتئندا تأزه باشلانغئچ

TRT Turkmen: Prezident Gurbanguly Berdimuhamedow 19 ýyldan bäri ýeke partiýaly ulgam bilen dolandyrylýan ýurtda täze partiýalaryń döredilmegine rugsat berdi.

==============================

Täze partiýalaryń ýurduń demokratiýalaşmagyna goşant goşjakdygyny bellän Berdimuhamedow, syýasy durmuşy wagtyń geçmegi bilen kämilleşdirjekdiklerini aýtdy.

Türkmenistanda 1991-nji ýylda garaşsyzlygyń yglan etmeginden soń döredilen ýeke-täk syýasy partiýa Demokratik partiýady.

Ýurtda oppozisiýanyń bolmandygy sebäpli halkara guramalary Türkmenistany tankyt edýärdi.

==============================

Azatlyk Radio:

Berdimuhamedow: “Oppozision partiýalar döredilibersin”

-Muhammad Tahir: Türkmenistanda häkimiýeti dolandyrýan partiýadan başga-da syýasy partiýalaryň döredilmegine rugsat ediljekdigi barada 18-nji fewralda orta atylan pikir ýurduň içinde we daşynda uly seslenmeleri döretdi.

Prezident Gurbanguly Berdimuhamedow Baýdak baýramy we diplomatlaryň güni mynasybetli eden çykyşynda, eger isleg bolsa, biz şu ýyldan başlap, syýasy partiýalary hasaba almaga taýýar diýdi.

Ol oppozision partiýanyň döremeginiň Türkmenistanyň jemgyýetçilik we syýasy durmuşynda möhüm waka boljakdygyny mälim edip, şol partiýanyň ýurduň jemgyýetçilik we syýasy durmuşyna gatnaşmak bilen bäsleşik esasynda iş alyp barjakdygyny sözüniň üstüne goşdy.
Şert goýuldy

Emma prezidentiň täze dörediljek partiýalar barada bir şerti hem bardy. “Ýöne täze düzüljek syýasy partiýalar biziň ählimiziň umumy maksadymyz bolan döwletimiziň dünýä bileleşiginde mynasyp orny eýelemegi üçin halkymyzyň milli aýratynlyklaryna esaslanmaly. Ykdysadyýetinde, ýaşaýyş we durmuş ulgamynda, gumanitar ugurlarda ýurdumyzy ösüşiň ýokary sepgitlerine ýetirmegi, dünýäde öňdäki hatarlara çykarmagy bolmalydyr” diýip, Berdimuhamedow aýtdy.

UN-iň Jenevedäki Tamynyň garşysynda bolan Aksiýadan Rapor-یو.ان-نینگ ژنو دأکی تامی نینگ قارشی سیندا بولان آکسیادان راپور

Ilgüýji: RAPOR(Habar)

Birleşen Milletler Guramasyny UN-iň Jeneva şäherindäki Tamynyň öňünde, 15-nji Fevral güni, Eýranlylaryň tarapyndan, Eýran hökumetiniň tersine, geçirilen aksiýalara, Türkmenler hem gatnaşdylar.

Türkmenler, ”Federal Eýranyň Milliýetleri Gurultaýy” atly guramanyň düzüminde durian we durmaýan Türkmen Guramalaryň agzalaryndan bolup gatnaşdylar.

15-nji Fevraldan başlap, Birleşen Milletler Guramasy Un-iň Jeneve şäherindäki Tamynyň zalynda 3 günläp, Eýranda adam haklaryny gözden geçirip başlanyldy. Bu işi Birleşen Milletler Guramasynyň 60 döwletden ybarat bolan, “Adam Haklary Şurasy ( UPR), alyp barýar.

Bu möhüm waka bilen bagly habar, hem-de, raporlary, habar beriş Ajans serişdeleriniň saýtlaryndan yzarlap durmagy maslahat berýäris.

“Aksiýa Gatnaşan Topary”

2010-02-17 / 28 بهمن 1388

-------------------------------------------

گچیریلن آکسیادان بیرنأچه صوراتینگ لینکی

Geçirilen Aksiýadan birnaçe surat

Nowaýynyň bozulan gabyry - نوائی نینگ بوزولان قبری

Medeniýet

Hudaýberdi Hally

9-njy fewralda türki dilli medeniýetiň janköýerleri hem-de Gündogar poeziýasynyň muşdaklary beýik şahyr hem akyldar Alyşir Nowaýynyň doglan gününi bellediler.

Bu ýyl Nowaýynyň doglan gününiň tegelek senesi däl. Nowaýynyň dünýä inenine häzir 559 ýyl boldy. Bu güni bellemegiň başga zeruryýeti döredi.

Alyşir Nowaýynyň gazallarynyň birinde şeýle setirler bar:

Bozuk gabrymy gören okçy dükanyna ogşadar,

Fyragyň okundan andak görüp, peýkany per her ýan.

TURKMENSAHRA AZADLYK GURAMASY- تورکمن صحرا آزادلیق قوراماسی

THE ONLY SOLUTION IS TO ESTABLISH THE TURKMEN NATIONAL FRONT

The Regime of Islamic Republic, who has been tyrannized over and slaughtered the Iranian people by using the name of God and religion for thirty years, has approached to its end. The revolutionary people of Iran understood after thirty years that this regime would never improve and therefore everything should be damaged and rebuilt.
The Turkmen observe the recent developments with anxiety, since they are concerned that the incidents that had been experienced during the first years of the Regime could be reiterated and once again the region could be damaged irreversibly. The people of Turkmensahra, understood the character of the Regime by observing the Vali-ye Faqih government and displayed disobedience toward it. In this direction, various Turkmen youth were martyred, arrested and exiled. ... Read more

Gaýgysyz Atabaý we türkmen döwletliligi

Gaýgysyz Atabaýow

Azatlyk Radiosynyn Söhbetdeşlik:

Edebiýatçy, žurnalist Döwletmyrat Ýazgulyýew bilen Gaýgysyz Atabaý hem onuň ömür ýoly barada Azatlyk Radiosy söhbetdeşlik gurnady. Söhbeti Ýowşan Annagurban alyp bardy. Azatlyk radiosy: Döwletmyrat, Gaýgysyz Atabaýewiň obadaşy hökmünde, siz bilen türkmen döwletliliginiň düýbüni tutujylaryň biri hakynda gürrüň etmek isleýäris.

==========================

Döwletmyrat Ýazgulyýew: Baş üstüne. Men öz bilýän hem obadaşlarymdan eşiden zatlarymy höwes bilen gürrüň bererin. Aslynda, Türkmenistanyň respublika bolan güni Gaýgysyz Atabaýyň doglan günüdir. Ol 1887-nji ýylyň 27-nji oktýabrynda Tejen uýezdiniň Mäne obasynda Täçgök serdaryň maşgalasynda dünýä inýär.

Türkmenistan we Fransiýa hyzmatdaşlygy giňeltmekçi

Iki Ýurduň Prezidentleri

Azatlyk Radio:

1-nji fewralda Fransiýanyň paýtagty Parižde Ýeliseý köşgünde Türkmenistanyň we Fransiýanyň prezidentleriniň duşuşygy geçirildi. Gurbanguly Berdimuhamedow we Nikolas Sarkozy ençeme ugurlardan ýurtlaryň ikitaraplaýyn gatnaşyklaryny giňeltmek maksadyny mälim etdiler.

Türkmenistan bilen Fransiýanyň aragatnaşygynyň perspektiwalary barada Azat Ýewropa we Azatlyk Radiosynyň Fransiýadaky habarçysy Ruzan Guregian bilen Türkmen gullugyndan Gözel Hudaýberdiýewa söhbetdeş boldy.

Azatlyk Radiosy: Türkmenistanyň we Fransiýanyň prezidentleri 1-nji fewralda Parižde geçiren gepleşiklerinde nähili temalary gozgadylar?